OS TRIHALOMETANOS NA AUGA DA BILLA

Estes primeiros días do ano, saíu nos medios de comunicación unha noticia que relacionaba a auga da billa co aumento dos casos de cancro de vexiga. Os responsables disto parecen ser os chamados trihalometanos (THM) ou derivados haloxenados do metano. Estes compostos prodúcense no proceso de potabilización das nosas augas de bebida, en concreto na cloración. A cloración é un proceso necesario para eliminar os principais microorganismos causantes de doenzas infecciosas que se transmiten pola auga, é máis, debe quedar tamén unha pequena cantidade de cloro residual para que a auga chegue polas tubaxes con garantías sanitarias aos nosos fogares.

Os THM son compostos volátiles polo que poden absorberse por vía oral, inhalatoria ou dérmica, así que velaí van uns consellos para diminuír os niveis na nosa auga da billa:

ü  Enche nunha xerra de vidro a auga e déixaa aireando un tempo antes de bebela.

ü  Quecer a auga para cociñar elimina os THM..
ü  Non pases moito tempo na ducha, porque ademais de aumentar a exposición, a hidratación vasodilata e favorece a entrada destes compostos (e de moitos máis como cremas e medicamentos) no corpo.

Lembra que beber a auga da traída sempre é unha opción máis saúdable e ecolóxica que consumir gran cantidade de auga envasada en botellas de plástico.

Mª JOSÉ FIGUEIRA (profesora de Bioloxía e Xeoloxía)